Kërkoni punë pranë FA-ve? Ministria e Mbrojtjes njofton mbi 300 vende të lira

Ministria e Mbrojtjes ka njoftuar mbi 300 pozicione të lira pune, tek Forcat e Armatosura.

Përmes një njoftimi, ministrja Olta Xhaçka fton të interesuarit që të aplikojnë për këto pozicione: “ “Çdo të ri me vullnet që do t’i shërbejë atdheut dhe vetes, Forcat e Armatosura të Shqipërisë janë vendi i duhur! Mbi 300 pozicione të lira pune ofrohen anembanë vendit, për çdo të ri me arsim të mesëm e sipër. Nëse ke një zanat eja shërbe në FA, nëse s’ke, eja përfitoje”.

Bëhet fjalë për pozicione të lira pune si: Polici Ushtarake, Këmbësori, Shofer, Kuzhinier, Motorist, Infermieri e tjerë. Madje janë edhe dy vednde të lita pune si muzikant.

INFORMACIONI

Qendra e Personel Rekrutimit ka filluar regjistrimin e kandidatëve për ushtarë/detarë aktiv dhe kërkon të rekrutojë për periudhën 09.03–15.05.2020, gjithsej 312 kandidatë, sipas rajoneve:

Rajone

Tiranë 175 kandidatë,
Shkodër 40 kandidatë,
Lezhë 4 kandidatë,
Durrës 18 kandidatë,
Vlorë 7 kandidat,
Berat 44 kandidatë,
Elbasan 5 kandidat,
Burrel 1 kandidatë,
Kukës 1 kandidat,
Gramsh 5 kandidat,
Poliçan 12 kandidat,

Specialitete

Ndërlidhje 17,
Polici Ushtarake 15,
Këmbësori 120,
MZ 2,
Shofer 47,
Mirëmbajtje 9,
Kuzhinier 2,
Motorist 2,
Xhenio 2,
Infermieri 11,
Roje 83,
Muzikant 2.