Zyrtarët rusë kanë përcaktuar një organizatë jofitimprurëse pas hetimeve antikorrupsion si një ‘agjent i huaj’ një veprim që ka të ngjarë të pengojë aktivitetet e tyre, raporton France 24.
Ministria ruse e drejtësisë tha në një deklaratë të Mërkurën se e ka vendosur Fondacionin për Luftimin e Korrupsionit në listën e agjentëve të huaj. Zyrtarët rusë më parë kanë përdorur ligjin për të stigmatizuar OjF të ndryshme, duke përfshirë organizata të respektuara për të drejtat e njeriut.
Drejtori i fondacionit, Ivan Zhdanov, tha të mërkurën se nuk ka pranuar ndonjë fond të huaj dhe tha se renditja ka për qëllim shkatërrimin e organizatës.
Grupi, i themeluar nga lideri i opozitës Alexei Navalny, u bë e njohur falë hetimeve të organizatës për korrupsionin zyrtar. Vitet e fundit ajo është zgjeruar në një rrjet mbarëkombëtar të mbështetësve të Navalny që kanë hetuar zyrtarët lokalë dhe kanë organizuar protesta opozitare në rajonet e tyre.
