Zhdukja e një nxënëseje 9-vjeçare tronditi qytetin Saratov në Rusi, me banorët që kërkuan drejtësi në rrugë, duke iu vërsulur të dyshuarit kryesor, pasi ajo u gjet e vdekur në një garazh pas kërkimeve.
Vajza u zhduk të mërkurën pasi u nis për në shkollë herët në mëngjes, por kurrë nuk u shfaq.
Ndërsa oficerët e policisë Saratov kërkuan për një të dyshuar dhe kontrolluan zonën. Kërkimit iu bashkuan qindra vullnetarë dhe qytetarë të shqetësuar.
Por shpresat për gjetjen e fëmijës së humbur të gjallë u venitën të enjten në mbrëmje. Trupi i saj u gjet më në fund në një garazh parkimi, vetëm 70 metra larg vendit ku jetonte. Në të njëjtën kohë, policia njoftoi arrestimin e një 35-vjeçari, i cili raportohet se rrëfeu se e vrau vajzën dhe fsheh trupin e saj.
I dyshuari kishte qenë i njohur në polici, duke pasur parasysh gjashtë akuzat e tij për grabitje dhe vjedhje, si dhe abuzim seksual dhe dhunim.
Kur oficerët, disa prej tyre të armatosur rëndë dhe të pajisur me pajisje mbrojtëse u përpoqën ta fusin të dyshuarin në paraburgim, qindra banorë të zemëruar rrethuan zonën dhe bllokuan një makinë që menduan se po mbante të dyshuarin.
Ata kërkuan që i dyshuari të zbriste nga makina dhe ta gjykonin aty. Duke përdorur mburojat dhe spërkatjen me piper, policia më në fund hapi rrugën për mjetin që do të largohej, por nuk ndihmoi për të qetësuar tensionet.
