Duke akuzuar Turqinë se po rrezikon civilët dhe kërcënimin e paqes dhe sigurisë me operacionin e saj në Siri, presidenti amerikan Trump ka njoftuar tarifat dhe sanksionet e ardhshme kundër zyrtarëve dhe ekonomisë turke.
“Veprimi i Turqisë po përshpejton një krizë humanitare dhe po krijon kushte për krime të mundshme të luftës,” tha Trump të hënën, duke njoftuar masat e ardhshme kundër Ankarasë.
Përveç një urdhri ekzekutiv që sanksionon zyrtarët e tanishëm dhe të mëparshëm të përfshirë në “veprime destabilizuese në verilindje të Sirisë”, Trump tha se ai do të rrisë tarifat e çelikut turk në 50 përqind, dhe menjëherë do të ndalojë negociatat për një marrëveshje tregtare me vlerë 100 miliardë dollarë.
Turqia nisi të ashtuquajturin “Operacioni i Pranverës së Paqes ” javën e kaluar, pas njoftimit të Trump se ai po tërhiqte trupat amerikane të vendosura përgjatë kufirit siriano-turk.
Milicitë kurde që bashkëpunojnë me SHBA kundër Shtetit Islamik (IS, dikur ISIS) konsiderohen nga Ankaraja si organizata terroriste, dhe operacioni kishte për qëllim t’i shtynte ata 30 kilometra larg nga kufiri.
“Unë jam plotësisht i përgatitur të shkatërroj me shpejtësi ekonominë e Turqisë nëse liderët turq vazhdojnë këtë rrugë të rrezikshme dhe shkatërruese,” tha presidenti amerikan.
