Blutë e Beratit kanë sqaruar ngjarjen në Berat pasditen e sotme ku një persona qëlloi me armë ndaj një lavazhi.
Sipas policisë, pronari i lavazhit, 42-vjeçari me iniciale V.S., qëlloi me armë ndaj qiramarrësit i cili nuk kishte shlyer detyrimet.
Më pas i ndihmuar nga dy persona të tjerë, ai ka provuar të largohet por është kapur nga efektivët që sekuestruan armën, tip pistoletë dhe mjetin me të cilin u larguan nga vendi i ngjarjes.
Njoftimi i policisë
Berat
Qëlluan me armë zjarri në drejtim të një lavazhi dhe tentuan të largohen, por u vunë në pranga nga Policia.
Falë reagimit në kohë dhe profesional të Policisë u kapën dhe arrestuan në flagrancë tre shtetasit që qëlluan me armë zjarri.
Sekuestrohet arma e zjarrit tip pistoletë dhe 1 automjet Benz.
Rreth orës 16:00, është marrë njoftim se disa shtetas kanë qëlluar me armë zjarri në drejtim të një lavazhi dhe janë larguar nga vendgjarja.
Menjëherë janë organizuar shërbimet dhe falë një reagimi të shpejtë dhe një pune të mirëorganizuar nga Komisariati i Policisë Berat në bashkëpunim me Njësinë Operacionale të Rendit u bë arrestimi në flagrancë i shtetasve:
V.S, 42 vjeç, Xh.S, 25 vjeç dhe P.Q, 66 vjeç, të tre banues në Berat.
Nga veprimet e para hetimore dyshohet se shtetasi V.S, pronari i lavazhos, ka qëlluar me armë zjarri në drejtim të lavazhos të cilën e ka dhënë me qera, pasi qeramarrësi nuk i kishte dhënë lekët e qerasë.
Më pas shtetasi V.S, së bashku me shtetasit XH.S dhe P.Q, janë larguar me automjet duke hedhur në rrugë edhe armën e zjarrit, por falë reagimit në kohë të Policisë është bërë kapja e tyre si dhe gjetja e sekuestrimi i armës së zjarrit.
Materialet do ti kalojnë Prokurorisë së Rrethit Gjyqësor Berat për veprat penale “Vrasje e mbetur në tentativë, kryer në bashkëpunim”, “Armbajtje pa leje”.
