Një banor i fshatit Nangë në Kukës është sulmuar nga një ari teksa ishte duke kullotur bagëtitë në malin e Gjallicës.
45-vjeçari ka marrë plagë në kokë, shpatull dhe këmbë nga kafshimet e ariut.
Në ndihmë të 45-vjeçarit me iniciale E.O ka shkuar policia dhe një helikopter nga Tirana.
Njoftimi i policisë:
Policia Kukës/ Informacion paraprak:
Jemi njoftuar në sallën operative se në vendin e quajtur Sasat, mali i Gjallices, shtetasi E.O., rreth 45 vjeç, banues në fshatin Nangë, duke kullotur bagëtitë është sulmuar nga një Ari, duke i shkaktuar plagë në kokë, shpatull dhe në këmbë.
Policia është nisur drejt vendit të ngjarjes.
Nga Tirana është nisur dhe helikopteri në ndihmë, për shkak të terrenit të vështirë malor.