Vendosni fjalën kyçe....

Qeveria britanike premton se Brexit do ndodhë në 31 tetor: I kemi votat në parlament


Ministrat e kabinetit qeveritar të Britanisë së Madhe kanë këmbëngulur se i kanë votat e mjaftueshme në kuvend për ta miratuar marrëveshjen e re për Brexit-in me BE-në dhe se ky proces do të kryhet jo më larg se data 31 tetor.

Ata e pohuan një gjë të tillë pavarësisht faktit që shefi i tyre, Boris Johnson, ia dërgoi të shtunën në mbrëmje një letër Brukselit, me të cilën ia kërkoi një afat shtesë prej tre muajsh për ta përfunduar procedurën e largimit të vendit nga blloku evropian.

Sidoqoftë, ai kësaj letre ia bashkëngjiti edhe një letër tjetër, në të cilën tha se një shtyrje tjetër do të ishte vendim i gabuar.

Ministri i jashtëm, Dominic Raab, tha se kryeministri ua ka dëshmuar atyre që kishin dyshime se e kanë gabim përmes sigurimit të marrëveshjes së re dhe se beson që Brexit-i do të kryhet këtë muaj.

Presidenti i Këshillit Evropian, Donald Tusk ka konfirmuar se e ka pranuar kërkesën e Britanisë për shtyrje të afatit për Brexit-in dhe ka thënë se do të këshillohet me liderët e BE-së për hapat e ardhshëm.

Në anën tjetër, kryeministri Johnson ka biseduar me homologët e tij evropian dhe presidentin Tusk, duke u thënë atyre se letra e dërguar nga qeveria e tij është e kuvendit dhe jo e tija.

Partia Laburiste në opozitë e ka akuzuar kryeministrin se po sillet si fëmijë duke dërguar letër që bie në kundërshtim me letrën tjetër, shkruan “BBC”.


Leave a Reply

Your email address will not be published. Required fields are marked *