Sot Zvicra zgjedh parlamentin e saj për katër vitet e ardhshme. Për 200 vendet, i ka Dhoma Nacionale dhe 46 i ka ajo e kantoneve (Senati), kanë kandiduar 4652 veta që është numri më i madh i kandidatëve deri tani.
E veçantë për këto zgjedhje është se garën zgjedhore e ka karakterizuar debati për klimën. Sa kjo mund të ketë një ndikim në rezultate, tregon barometri i fundit i zgjedhjeve i bërë para rreth dhjetë ditësh.
Ai tregonte se partitë ambientaliste (Partia e Gjelbër dhe ajo e gjelbër Liberale) po shkojnë drejt rritjes së tyre në parlament.
