Dikur ndërhyrja ishte e kufizuar dhe ishte më së shumti pjesë e skenareve të filmave të frikshëm, por mundësia për të ndryshuar gjenet njerëzore për të zhdukur sëmundjet gjenetike po mundësohet, falë një mjeti të ri për ‘korrigjimin’ e gjeneve.
Mjeti aktual i përpunimit të gjeneve, i njohur si CRISPR-Cas9, është jashtëzakonisht i fuqishëm. Por mungesa e saktësisë, shkalla e lartë e gabimit dhe shtrirja e kufizuar pengojnë aftësinë e tij për të trajtuar sëmundjet gjenetike të njeriut.
Tani, një mjet i ri i zhvilluar nga studiues në MIT dhe Harvard ka potencialin të korrigjojë 89 përqind të më shumë se 75.000 mutacioneve gjenetike njerëzore të njohura për shkaktimin e sëmundjeve.
I quajtur ‘korrigjimi kryesor’, mjeti është i aftë për redaktim jashtëzakonisht të saktë dhe mund të çelë një epokë të re të manipulimit gjenetik, sipas ekipit.
Korrigjimi ofron një qasje më të qëndrueshme sepse bën ndërhyrje shumë specifike që përfshijnë prekjen e vetëm njërës nga dy fillesat e ADN-së dhe më pas bërjen e ndryshimeve drejt në vendin e duhur.
Kjo do të thotë që shkencëtarët nuk duhet të mbështeten më në sistemin e vetëriparimit të ADN-së të një qelize për të bërë ndryshime për to, duke ulur në mënyrë drastike rrezikun e rezultateve të papritura ose të pakontrolluara.
Në zhvillimin e mjetit të ri, ekipi hulumtues kreu 175 korrigjime të ndryshme të ADN-së në qelizat njerëzore dhe të miut, duke zbuluar se korrigjimi kryesor mund të ndryshojë saktësisht ADN-në, ndërsa prodhon gabime në ritme shumë më të ulëta se teknologjitë aktuale të korrigjimit të gjeneve.
