Kryeministri Edi Rama thotë se ka komunikuar me kancelaren e Gjermanisë, Angela Merkel për rreth 45-minuta, pas përgjigjes negative nga Këshilli i Europës për hapjen e negociatave.
Rama thotë se në këtë bisedë, janë vënë pikat mbi “i” për ecurinë e mëtejshme të përpjekjeve të përbashkëta për çeljen e negociatave.
“Gjatë një telefonate rreth 45 min me Kancelaren Merkel vendosëm të gjitha pikat mbi “i” për ecurinë e mëtejshme të përpjekjeve të përbashkëta për çeljen e negociatave për anëtarësim. Kancelarja rinënvizoi qëndrimin e Gjermanisë në mbështetje të Shqipërisë. Danke Angela”, shkruan Rama.
Kujtojmë se Bundestagu gjerman vendosi 9 kushte për Shqipërinë kundrejt dhënies së pëlqimit për çeljen e negociatave të Shqipërisë në BE, në fund të shtatorit.
Mirëpo ndryshe nga sa veproi me Shqipërinë, Gjermania kërkoi hapjen pa kushte të bisedimeve me Maqedoninë e Veriut. Por, për shkak të vetos së Francës, asnjë nga të dy vendet nuk mori përgjigje pozotive.
