Pas shkarkimit të Ardian Memës, stolin e Tiranës e ka marrë Julian Ahmataj. Ish-lojtari 40-vjeçar i disa ekipeve në kampionatin shqiptar në prezantimin e tij ka deklaruar se do bëjë çmos që të rikthejë titullin te bardheblutë në 100 vjetorin e klubit.
Ai falenderoi Ardian Memën dhe presidentin e klubit, Halili për besimin e ofruar.
Ahmataj tha se lojtarët dhe stafi drejtues duhet të japin maksimumin pasi vetëm kështu mund të luftohet për titullin në një kampionat tejet të vështirë dhe me shumë rivalitet.
