Një aksident ka ndodhur mbrëmjen e kaluar në rrugën kryesore të qytetit të Lushnjes. Një këmbësor është përplasur nga një grua e moshës 50-vjeç, e cila po drejtonte një automjet tip “Toyota Yaris”.
Aksidenti ka ndodhur tek vendi i quajtur kryqëzimi i gjimnazit 18 Tetori. I plagosuri është identifikuar si Qani Çela, me profesion polic rrugor. Në momentin e aksidentit, Çela ka qenë jashtë orarit të punës dhe po tentonte të kalonte nga trotuari në rrugë.
Ai është përplasur në trotuar duke marrë dëmtime në kokë. I plagosuri është dërguar në spitalin e Lushnjës, ku ndodhet në gjendje të stabilizuar dhe jashtë rrezikut për jetën.
