Qeni hero që ndihmoi në operacionin për vrasjen e liderit të ISIS-it, Abu Bakr al-Baghdadi, quhet Conan. Presidenti amerikan Donald Trump, e deklasifikoi emrin e qenit ushtarak dhe tha se ai është drejtuar për në Shtëpinë e Bardhë.
Trump tha se Conan do të “largohet nga Lindja e Mesme për në Shtëpinë e Bardhë javën e ardhshme!” Fotografia e Conan, është modifikuar duke shtuar presidentin Trump që i jep një medalje.
Sipas “Newsweek”, qenit i është vënë emri pas komedianit dhe prezantuesit, Conan O’Brien.
Trump e quajti atë një “rekreacion shumë të bukur”, por shtoi se versioni “live” i Conan do të vizitojë së shpejti Uashingtonin.
Emri i qenit nuk ishte zbuluar më parë, pasi ishte informacion i klasifikuar, për shkak të natyrës së bastisjes që vrau Baghdadin të shtunën.
Conan u lëndua gjatë misionit pasi u ekspozua ndaj telave elektrike ndërsa ndiqte Baghdadin përmes një tuneli nën një kompleks në Sirinë veriperëndimore.
