Kryeministri Edi Rama zgjodhi që të komentojë vendimin e Komisionit Qendror të Zgjedhjeve nëpërmjet Twitterit pasi më herët shmangu pyetjet e gazetarëve pas mbarimit të mbledhjes në Partinë Socialiste.
Rama ka mbrojtur vendimin e KQZ duke thënë se institucioni zgjodhi të dalë krah ligjit dhe interesit publik.
Sipas Ramës, KQZ nuk u bë vegël e partisë siç ishte deri më dje.
Më tej Rama, theksoi se PS-ja riprovoi se nuk do të bëhet strehë e askujt.
“KQZ ka provuar sot përsëri, se është një institucion i shtetit shqiptar që mbron ligjin dhe interesin publik, jo vegla e vjetër e partive siç ishte deri dje
Po ashtu Partia Socialiste ka riprovuar sot, se s’bëhet strehë e askujt që merr përsipër të shkelë ligjin e besimin tonë”-shkruan Rama në Twitter.
