Ajna Jusic, një studente 25-vjeçare e psikologjisë nga Sarajeva rrëfen traumën e saj dhe misionin që ka për të ndihmuar të tjerët si ajo.
Gjatë luftërave në territorin e ish-Jugosllavisë, mijëra gra u dhunuan dhe shumë prej tyre mbetën shtatzënë. Sidoqoftë, fëmijët e tyre ende nuk janë njohur si viktima të luftës, raporton Deutsche Welle.
Fëmijët që vijnë nga përdhunimi në Bosnjë dhe Hercegovinë njihen si “fëmijë të padukshëm”. Studentja nga Sarajeva, Ajna Jusic, është njëra prej tyre.
Nënat e tyre u dhunuan nga ushtarët e palës kundërshtare, por edhe nga paqeruajtësit e Kombeve të Bashkuara.
“Kur isha 15 vjeçe, unë gjeta në një kuti ngapërfundimet e një psikologu dhe një psikiatri për mamanë time dhe deklaratën që ajo kishte bërë menjëherë pas dhunimit. Unë isha vetëm në shtëpi vetëm dhe mendoj se isha larguar, nuk e dija më se kush isha.”– tha Ajna.
Në fillim, nëna e saj nuk donte ta mbante. Nëna e Ajnës, Sabina ishte dhunuar nga një ushtar kroat. Ajo mohoi që ishte shtatzënë derisa ishte tepër vonë për abortin.
“Unë as nuk mendoja ta mbaja atë, thjesht prisja datën për ta hequr qafe” atë gjë “, madje as nuk e quaja atë një fëmijë”- tha Sabina Jusic. Sidoqoftë, situata ka ndryshuar.
Ajo shtoi se Ajna mund të kishte patur një jetë më të mirë nëse do ta kishte dhënë për birësim dhe të mos përballej me atë që po përjeton tani.
Mirëpo, njerku i Ajnës Nusret thotë pa të, jeta nuk do të kishte kuptim. Ajna filloi një organizatë jo partizane, jo qeveritare dhe jofitimprurëse “Fëmijët e Harruar të Luftës”, që vepron në Bosnje dhe Hercegovinë.
Misioni i tyre është “të sigurojë qasje në arsim, mbrojtje sociale, mbështetje psikologjike, qasje në tregun e punës dhe qasje në drejtësi përmes të kuptuarit dhe mbrojtjes së të drejtave të fëmijëve të lindur nga lufta”.
Ajna thotë se është krenare për nënën dhe forcën e saj.
“Unë jam fëmija i saj. Nuk ka rëndësi që unë jam një fëmijë i urryer, por unë jam fëmija i saj. Ajo më ka pranuar mua, ajo më do mua dhe dëshiron që unë të jem e lumtur”– përfundoi Ajna.
Gratë e përdhunuara sollën në jetë mijëra fëmijë
Midis viteve 1992 dhe 1995, Bosnja ishte përplot me vrasje masive, spastrim etnik dhe përdhunime nga forcat ushtarake.
Gratë e përdhunuara vlerësohet të kenë lindur deri në katër mijë fëmijë. Shumë njerëz i kanë quajtur fëmijët që dolën si produkt i dhunimit gjatë luftës si “bastardë” dhe “fëmijë të armikut”, dhe trauma kolektive është ende një temë tabu në shoqërinë boshnjake.
