Një republikan i shquar që këshillon presidentin Donald Trump e ka quajtur strategjinë e Amerikës 5G si “fatkeqësinë më të madhe strategjike në historinë e SHBA-së”.
Përpjekjet e SHBA-së për të penguar gjigantin e telekomunikacionit të Kinës “Huawei” të dominojë tregun global në gjeneratën e pestë e rrjeteve të komunikimit celular, kanë dështuar, ndërsa rregullimi jokompetent dhe sjellja e gabuar e korporatave kanë bërë hapa pas në rrjetin 5G të Shteteve të Bashkuara.
Kështu u tha politikani në një mbledhje me dyer të mbyllura, donatorëve dhe aktivistëve republikanë. Këshilltari ka kërkuar që presidenti Trump të bëjë një ndryshim rrënjësor të politikave për të siguruar që Shtetet e Bashkuara nuk do të vonojnë të fusin rrjetin 5G. Presidenti amerikan nuk ka marrë ende një vendim, tha këshilltari. Ushtria amerikane kontrollon pjesën më të madhe të spektrit që rrjeti 5G do të përdorte, dhe ofruesit kryesorë të telekomunikimit amerikan po mbrohen nga një angazhim i plotë i 5G-së, shtoi këshilltari.
Sekretari i Tregtisë, Wilbur Ross, tha për Bloomberg se SHBA do të jepte licenca “shumë shpejt” për të lejuar prodhuesit amerikanë të shesin komponentë të Huawei-t dhe firmave të tjera të teknologjisë kineze. Presidenti Trump në korrik tha se ai “lehtësisht” do të rivendoste eksportet e teknologjisë në kontekstin e një marrëveshje tregtare me Kinën, dhe i tha Departamentit të Tregtisë që të fillojë miratimin e licencave të eksportit në një takim të Shtëpisë së Bardhë në fillim të tetorit, raportoi New York Times asokohe. Duke i bërë jehonë zyrtarëve të tjerë të administratës Trump, Sekretari Ross parashikoi që faza e parë e një marrëveshje tregtare me Kinën mund të nënshkruhet këtë muaj.
Duket se administrata e Trump mund të jetë e gatshme të ulë humbjet e saj në një strategji humbëse. Huawei ka nënshkruar marrëveshje pajisjesh me çdo ofrues të telekomit në kontinentin euroazian, pavarësisht kërcënimeve të profilit të lartë amerikan për të ndërprerë shkëmbimin e inteligjencës me aleatët që përdorin pajisjet e Huawei-t në rrjetet e tyre.
Kina prezantoi rrjetin e saj 5G, më të madhin në botë, në fund të tetorit. Huawei pritet të shesë 600,000 stacione bazë 5G deri në fund të vitit 2019 dhe dy milion deri në fund të vitit 2020, sipas vlerësimeve të kompanisë, pavarësisht embargos amerikane për shitjen e komponentëve amerikanë te Huawei dhe 28 ndërmarrjeve të tjera kineze.
Gjatë vitit të kaluar, Huawei prezantoi çipet e veta për të fuqizuar smartfonët e tij me aftësi të inteligjencës artificiale, si dhe procesorë ultra të shpejtë. Të ardhurat e gjysmës së parë të vitit 2019 për Huawei u rritën 24% nga viti i kaluar, dhe kompania shiti 24% më shumë smartfonë, pavarësisht bllokimit të qeverisë amerikane në qasjen te aplikacionet e Google-it.
Stoqet e gjysmëpërçuesit amerikan janë rritur me më shumë se 11% që nga 9 tetori, sektori me performancën më të mirë të tregut të aksioneve amerikane, pasi investitorët shikuan drejt zgjidhjes së ndalimit të eksportit.
Firmat e dizajnit gjysmëpërçues amerikan varen shumë nga tregu aziatik, dhe kompanitë e teknologjisë së lartë amerikane kanë lobuar në Shtëpinë e Bardhë në mënyrë agresive për t’i lejuar ata të vazhdojnë eksportin. Shumica e komponentëve që industria amerikane i shet Huawei dhe firmave të tjera kineze mund të merren nga Japonia, Tajvani, apo Koreja e Jugut, ose mund të prodhohen dhe në Kinë.
Në mars të vitit 2018, SHBA praktikisht mbylli kompaninë e dytë më të madhe të pajisjeve të telekomunikimit të Kinës, ZTE, duke vendosur një embargo në çipet e Qualcomm që mundësojnë aparatet e tij, në shenjë hakmarrjeje për shkeljen e sanksioneve ndaj ZTE-së në Iran.
Megjithatë, në fund të vitit 2018, homologu shumë më i madh i ZTE-së, Huawei kishte zhvilluar çipet me Kirin, me performanca të krahasueshme me Qualcomm.
Nëse Presidenti Trump tërhiqet nga fushata globale kundër Huawei, e kampionizuar nga agjensitë e inteligjencës amerikane, dhe të përqëndrohet në vend të kësaj në përshpejtimin e futjes së rrjetit 5G në Amerikë, perspektivat për një përfundim të hershëm të luftës tregtare SHBA-Kinë do të përmirësohen dukshëm.
Kina nuk e pëlqen presionin amerikan për të ulur deficitin tregtar dypalësh por është e gatshme të blejë më shumë produkte bujqësore dhe energji amerikane për të qetësuar presidentin proteksionist.
Përpjekjet amerikane për të mbytur Huawei, konsiderohen nga Kina si një çështje ekzistenciale: Nëse Shtetet e Bashkuara nuk mund ta pranojnë faktin që Kina ka marrë udhëheqjen në një fushë të rëndësishme të teknologjisë, kinezët besojnë se kjo do të thotë se Amerika dëshiron të ngecë Zhvillimin e Kinës. Në atë rast, Kina do të merrte nën kontroll një luftë tregtare afatgjatë.
Kina ka përqendruar politikën e saj të brendshme në rritjen e konsumit të brendshëm për të kompensuar rënien e eksporteve të saj gjatë luftës tregtare. Investitorët u përgjigjën duke rritur çmimet e ndërmarrjeve kryesore prodhuese kineze, që janë performuesit kryesorë në sektorët e indeksit të aksioneve Shenzhen 300.
Rritja e Kinës është ngadalësuar në shkallën më të ulët që nga vitet 1990, megjithëse është akoma më e larta e çdo ekonomie në botë me rreth 6%. Javën e kaluar indeksi i Caixin i aktivitetit prodhues kinez tregoi një fryrje të befasishme, megjithëse indeksi i menaxherëve blerës të qeverisë mbeti nën 50, domethënë në territorin e tkurrjes. Sondazhi i Caixin përfshin më shumë kompani private.
VINI RE: Ky artikull është pronë intelektuale e Asia Times / Përshtati në shqip Hashtag.al
