Cilësia e ajrit është përkeqësuar në mënyrë dramatike në të gjithë Indinë veriore javët e fundit, aq sa një tempull në Varanasi ka marrë masën ekstreme për të mbrojtur idhujt e tij nga smogu me maska mbrojtëse për fytyrën.
Fotografitë e hyjnive të maskuara, Lord Shiva, Goddess Durga, Goddess Kali dhe Sai Baba në tempullin Shiv-Parvati në Varanasi janë shpërndarë në të gjitha mediat sociale indiane.
‘Varanasi është një vend besimi. Ne i trajtojmë idhujt tanë si hyjnitë e gjalla dhe përkujdesemi për t’i bërë ata të lumtur dhe që të ndihen rehat. Në verë idhujt mbulohen me pastë druri sandali për t’i mbajtur ato të freskëta dhe në dimër i mbulojmë me lesh. Në të njëjtën mënyrë, për t’i shpëtuar ata nga ndotja, ne kemi vendosur maska në fytyrat e tyre’,tha për ‘IANS’, Harish Mishra, një prift në tempull.
