Ministri i Jashtëm i Ukrainës: Ndihma e SHBA-së dhe hetimet ndaj Biden s’u lidhën me njëri-tjetrin
Ministri i jashtëm ukrainas, Vadym Prystaiko, tha të enjten se ambasadori amerikan në BE, Gordon Sondland, nuk e kishte lidhur kurrë ndihmën e SHBA me hetimet ukrainase të zgjedhjeve të vitit 2016 ose rolin e Joe Biden në ndalimin e një hetimi të ‘Burisma’.
Prystaiko foli një ditë pas dëgjimeve të para publike në Komitetin e Inteligjencës së Shtëpisë, si pjesë e ‘hetimit’ ndaj Trump, ku dy dëshmitarë thanë se ata besuan se një lidhje e tillë ishte e vërtetë.
Një nga dëshmitarët, i ngarkuari me punë, Bill Taylor, prezantoi prova të reja që një personel i tha atij kohët e fundit se ai e dëgjoi Sondland duke folur me presidentin Donald Trump një ditë pas telefonatës së tij të 25 korrikut me presidentin ukrainas Volodymyr Zelensky, duke diskutuar ‘hetimet’. Stafi gjithashtu i tha Taylor se Sondland tha se Trump ishte më i interesuar në hetime sesa gjithçka tjetër.
Siç vuri në dukje ‘Breitbart News’, ajo provë e re, që është dëgjimi i dorës së katërt duke i shtuar atij edhe opinionin personal të dëshmitarëve, shtoi pak informacion të ri, por u citua nga demokratët dhe gazetarët si provë se ndihma mund të kishte qenë e lidhur me hetimet që Trump i kishte kërkuar qeverisë së re ukrainase.
Të enjten, Prystaiko tha se nuk kishte asnjë lidhje në diskutimet në atë kohë me Sondland, pasi ‘Reuters’ raportoi:
Ministri i Jashtëm i Ukrainës, Vadym Prystaiko, tha të enjten se ambasadori amerikan Gordon Sondland nuk e lidhi në mënyrë të qartë ndihmën ushtarake në Kiev me hapjen e një hetimi ndaj ish-Presidentit Joe Biden dhe djalit të tij, njoftoi ‘Interfax Ukraine’.
‘Ambasadori Sondland nuk na tha dhe sigurisht nuk më tha, për një lidhje midis ndihmës dhe hetimeve. Ju duhet ta pyesni atë,’ tha Prystaiko për Sondland, ambasadorin e SHBA-së në Bashkimin Evropian.
‘Unë kurrë nuk kam parë një lidhje të drejtpërdrejtë midis hetimeve dhe ndihmës’ u citua Prystaiko të thoshte nga ‘Interfax’.
‘Po, hetimet u përmendën, ju e dini, në bisedën e presidentëve. Por nuk kishte asnjë lidhje të qartë midis këtyre ngjarjeve.’
Në dëshminë e tij me dyer të mbyllura muajin e kaluar, i cili u lëshua nga Komiteti i Inteligjencës së Shtëpisë disa ditë më parë, Sondland i tha komitetit se ai kishte folur shpesh me Prystaiko dhe zyrtarë të tjerë ukrainas gjatë periudhës në fjalë.
Sondland do të dëshmojë në seancat dëgjimore publike javën e ardhshme.
