Realiteti rumun tregon se e vërteta shpesh herë është më e çuditshme se sa fantazia. Të dielën kur rumunët ishin duke votuar për të zgjedhur presidentin e ardhshëm, një foto u bë virale në mediat sociale.
Në foto shihej një fuçi plastike, e cila po përdorej si një kuti votimi. Doli se fotografia nuk ishte aspak e manipuluar, por realitet.
Fuçia ishte përdorur me të vërtetë në një klasë në shkollën e fshatit Râmeşti, në qarkun Vâlcea, që ndodhet në Rumaninë Jugore.
Pasi fotoja u bë virale, shumë shpejt u zbulua se fuçi plastike nuk ishin përdorur vetëm në këtë fshat, por në pesë rrethe të tjera. Ky informacion u vërtetua për mediat nga kryetari i komunës Şuşani, Gheorge Constantinescu.
Siç tha ai, komuna kishte përdorur fuçi të tilla në fshatra edhe për zgjedhjet e Parlamentit Evropian. Askush nuk bezdiset prej tyre, pasi i përshtaten në mënyrë të përsosur qëllimit.
Constantinescu tha se për mendimin e tij nuk ishte aspak e parregullt të përdoren fuçitë plastike si kuti votimi, pasi ato mund të vulosen dhe të menaxhohen më lehtë.
Por kryetari tani ka turp që komuna e tij përfundoi në shtypin kombëtar për këtë temë. Edhe agjensia e lajmeve Mediafax theksoi në titullin e saj se këto lloj fuçish përdoren për të bërë turshi.
Rreth 18,2 milion njerëz me të drejtë vote, të dielën u janë drejtuar kutive të votimit (fuçive në shumë raste) për të zgjedhur njërin prej 14 kandidatëve për president të Rumanisë. Siç pritej asnjëri nga kandidatët nuk arriti të fitojë 50 për qind të votave dhe më 24 nëntor do të mbahet rrethi i dytë i zgjedhjeve presidenciale.
Presidenti aktual i Rumanisë, Klaus Iohannis, pritet të përballet në raundin e dytë të zgjedhjeve presidenciale me ish-kryeministren Viorica Dancila.
