Kryetarja e LSI-së, Kryemadhi, ka deklaruar pas kthimit nga SHBA-ja se plotësimi i Gjykatës Kushtetuese me anëtarin e gjashtë duhet të ndodhë sa më shpejt që të jetë e mundur duke shtuar se forca pollitike që drejton e mirëpret këtë gjë.
‘Plotësimi i Gjykatës Kushtetuese me anëtarin e gjashtë është një proces që duhet mbyllur sa më parë dhe e mirëpresim. Një hap i rëndësisshëm është hedhur me plotësimin e vakancave por nuk duhet humbur kohë.’, deklaroi Kryemadhi.
Më tej ajo tha se ngritja e Gjykatës Kushtetuese ishte një garanci më shumë për opozitën duke deklaruar se SHBA-ja ka të njëjtin qëndrim për Shqipërinë, duke theksuar zbatimin e Kushtetutës, dhënien fund të mosndëshkueshmërisë dhe moskapjen e sistemit të drejtësië.
Kryemadhi u ndal edhe te padia e presidentit ndaj kreut të KED-së, Dvorani, duke thënë se të gjitha veprimet e qeverisë dhe mazhorancës tregojnë për kapjen e sistemit nga ana e kryeministrit Rama ndërsa Dvorani ishte pjesë e këtij projekti.
