Mercedes planifikon të shesë automjetin e parë SUV në bashkëpunim me markën luksoze Maybach, tha shefi ekzekutiv i Daimler, Hubertus Troska, duke u bashkuar me markat e tjera luksoze që ofrojnë modele SUV për të tërhequr klientë nga Kina dhe Shtetet e Bashkuara.
Daimler planifikon të nxjerrë modelin Mercedes-Maybach GLS, i cili pritet të dalë në shitje në gjysmën e dytë të vitit 2020.
Vendimi vjen pasi shumë marka automjetesh luksoze kanë nxjerrë në treg automjete SUV si Aston Martin, Rolls-Royce dhe Lamborghini, shkruan Scan-tv.
Në vitin 2012, Daimler, e cila zotëron markën Mercedes-Benz, ndaloi së bëri limuzinat ikonike të gjata të Maybach pasi automjetet, të cilat bazoheshin në një dizajn unik, kushtonin rreth 380,000 dollarë dhe nuk arritën të shesin mjaftueshëm.
Në atë kohë, automjetet Maybach u tregtuan si një markë e veçantë nga Mercedes-Benz. Në mesin e pronarëve ishin oligarkët, yjet e repit dhe mbretërit, përfshirë Roman Abramovich të Rusisë, muzikantin Jay-Z dhe mbretin Juan Carlos të Spanjës.
Por bashkëpunimet rinisën sërish në 2014 si rrjedhojë e rritjes së kërkesave kryesisht në Kinë, Shtetet e Bashkuara, Rusi dhe Japoni. Daimler tha se kërkesa për Maybach ishte më shumë se 600 në muaj vetëm në Kinë.
