Presidenti i Serbisë, Vuçiç, ka pohuar se kryeministri i Shqipërisë, Rama dhe ai i Maqedonisë së Veriut, Zaev, e kishin autorizuar që të fliste në emër të tyre gjatë takimit me presidentin Macron.
Vuçiç e bëri deklaratën e mësipërme gjatë një interviste për gjermanen ‘Der Spiegel’.
Bëhet fjalë për diskutimet për nismën e Schengenit ballkanik.
‘Unë isha me kryeministrat e Shqipërisë dhe Maqedonisë së Veriut në Samitin e Ohrit dhe ne u pajtuam pothuaj në të gjitha pikat, përfshirë edhe atë se unë do të flas me Macronin në emër të secilit, gjë që edhe e kam bërë javën e kaluar’, ka thënë Vuçiç.
