Kryeministri në detyrë i Kosovës, Haradinaj, ka emëruar sot drejtorin e ri të Agjencisë Kombëtare rë Inteligjencës si dhe inspektorin e përgjithshëm të saj.
Shefi i ri i inteligjencës së Prishtinës zyrtare është emëruar Kreshnik Gashi, kurse inspektor i përgjithshëm do jetë Burim Ramadani.
Njoftimi është bërë nga vetë Haradinaj në Facebook ku shkruan: ‘Në bazë të kompetencave kushtetuese dhe ligjore dhe në bashkërëndim me presidentin, sot kam emëruar, Kreshnik Gashin, në postin e drejtorit të Agjencisë së Kosovës për Inteligjencë, ndërsa Burim Ramadanin në postin e inspektorit të Përgjithshëm të AKI-së. Profilet e të emëruarve, si figura publike me integritet dhe ekspertë për siguri, garantojnë profesionalizmin dhe kredibilitetin e AKI-së.’
