Sekretari amerikan i Mbrojtjes Mark Esper, ka shkarkuar nga detyra shefin e Marinës Richard Spencer. Kjo për shkak të trajtimit që i ka bërë çështjes së Gallagher.
Rasti i Edward Gallagher, i cili u dënua për shkak të pozimit me një kufomë, kishte ngjallur tensione midis Presidentit Donald Trump dhe zyrtarëve ushtarakë.
Oficeri i Marinës iu nënshtrua një shqyrtimi disiplinor, kur ai në vend të kësaj mund të ishte privuar nga anëtarësia e tij, siç shkruan BBC.
Ministri tha që ai kishte humbur besimin tek shefi i Marinës sepse bisedat e tij private me Shtëpinë e Bardhë kundërshtuan pozicionin e tij publik. Por Trump tha nuk ishte i kënaqur me mënyrën se si u zhvillua gjyqi i Gallagher, dhe sugjeroi se kjo ishte arsyeja pse Spencer u shkarkua.
Ndërkohë, Spencer tha në një letër se ishte e qartë se ai dhe presidenti Trump nuk kishin të njëjtin mendim për “rendin dhe disiplinën e mirë”.
Shefi Gallagher u akuzua se kishte goditur me thikë një të burgosur të paarmatosur 17 vjeçar, të grupit të Shtetit Islamik dhe ishte përplasur me civilë ndërsa shërbente në Irak në vitin 2017.
Ai u lirua nga këto akuza dhe u dënua vetëm për akuzën më të vogël për pozimin me kufomën e të burgosurit të IS.
