Deri më tani Ministria e Mbrojtjes ka konfirmuar vdekjen e tre personave. E fundit është një grua në Thumanë e cila fatkeqësisht është nxjerrë e pajetë nga ekipet e kërkimit.
Më herët ministria e Mbrojtjes konfirmoi zyrtarisht vdekjet e dy personave, një në Thumanë dhe një në Kurbin.
Situata paraqitet e vështirë edhe për ekipet e kërkimit, të cilët disa herë janë larguar nga rrënojat për shkak të lëkundjeve të njëpasnjëshme. Dy fëmijë thuhet se janë ende nën rrënoja.
Vetëm pak më herët një tjetër tërmet i fuqishëm ka goditur përsëri vendin duke rrezikuar situatën e banorëve nën rrënoja por edhe të ekipeve të shpëtimit.
Instituti i Gjeoshkencave, Energjisë, Ujit dhe Mjedisit nëpërmjet një deklarate paralajmëroi vetëm pak më herët se goditjet kryesore kanë kaluar, por duhet të qëndrojmë jashtë pasi pasgoditjet mund të shkaktojnë dëme të tjera.
