Jurgen Klinsman është emëruar si trajner i ri i Hertës së Berlinit për të zëvendësuar Ante Coviç. Njoftimi është bërë nga klubi berlinez në faqen zyrtare.
‘Ante Coviç nuk është më trajner i Hertha BSC. Pas diskutimeve intensive, drejtori sportiv Michael Preetz dhe Coviç ranë dakord për ndërprerjen e ndërsjellë të kontratës së tij’ tha klubi.
Klubi shtoi se Klinsman do të menaxhojë skuadrën deri në fund të sezonit 2019-2020.
Herta ka zhgënjyer tifozët e tyre me paraqitjen e dobët pasi aktualisht është në vendin e 15-të me 11 pikë.
Më parë Klinsman ka drejtuar kombëtaren gjermane në vitin 2004 ndërsa nën drejtimin e tij Gjermania u rendit e treta në botërorin 2006.
Ai drejtoi së fundmi kombëtaren e SHBA-së nga korriku 2011 deri në nëntor 2016.
