Shtetet e Bashkuara kanë akuzuar Rusinë se ka ndihmuar Sirinë për të fshehur përdorimin e municioneve të ndaluara toksike në luftën civile, duke minuar punën e agjencisë globale të armëve kimike në përpjekjen e saj për të identifikuar përgjegjësit.
Komentet e përfaqësuesit të SHBA-së në Organizatën për Ndalimin e Armëve Kimike (OPCW), Kenneth Ward, u ndoqën nga një reagim i shpejtë nga Moska.
Kjo ndodhi kur fuqitë perëndimore dhe Rusia u përleshën në konferencën vjetore të agjencisë në Hagë.
Moska për muaj thotë se nuk ka përputhshmëri nga zbulimet e dy ish-punonjësve të OPCW, të cilët zbuluan një dokument dhe një email si dëshmi që OPCW dokumentoi përfundimet e një raporti të 1 Marsit, sipas të cilit se një kimikat toksike që përmbante klor është përdorur në një sulm të vitit 2018 afër Damaskut.
Më shumë se 40 njerëz u vranë në atë sulm në Douma, një qytet në periferi të Damaskut që u mbajt atëherë nga rebelët, në 7 Prill 2018.
Shtetet e Bashkuara, Britania dhe Franca u hakmorën një javë më vonë duke sulmuar me raketa objektivat e qeverisë Siriane, në aksionin më të madh ushtarak perëndimor kundër autoriteteve të Damaskut në luftën tetë vjeçare.
Siria dhe Rusia mohojnë se ka pasur ndonjëherë një sulm kimik në Douma, duke thënë se ngjarja u organizua duke përdorur trupa të sjellë nga diku tjetër, dhe se raporti i OPCW-së ishte shkruar për të justifikuar ndërhyrjen ushtarake perëndimore.
Ward tha që Rusia dhe Siria thjesht po kërkonin të mbulonin përdorimin e armëve kimike duke minuar OPCW-në.
“Fatkeqësisht Federata Ruse ka luajtur një rol kryesor në këtë mbulim”– u tha Ward delegatëve, citon Reuters. “Rusia dhe Siria mund të ulen me ne këtu, por ata qëndrojnë larg nesh në një mënyrë themelore. Ata vazhdojnë të përqafojnë armët kimike. “
Ambasadori rus në OPCW, Alexander Shulgin i hodhi poshtë pretendimet e SHBA-së për Rusinë.
