Kryeministri i Irakut, Adil Abdul Mahdi, do të japë dorëheqjen pas gati dy muaj protestash antiqeveritare, sipas një deklarate nga zyra e tij.
Njerëzit festuan lajmin për dorëheqjen e tij në ‘Sheshin Tahrir’ të Bagdadit, pas protestave antiqeveritare, të cilat filluan më 1 tetor dhe përfshinë gjithë vendin, kundër korrupsionit të pretenduar qeveritar dhe përfshirjes së Iranit në punët e vendit.
Në deklaratë, Abdul Mahdi tha se ai do të paraqiste një kërkesë për dorëheqje në parlament për të shqyrtuar opsionet e tij. Ai i bëri thirrje qeverisë së Irakut të veprojë në interes të vendit , të ruajë jetët e njerëzve të saj dhe të shmangë rrëshqitjen në një cikël dhune, kaosi dhe shkatërrimi.
Abdul Mahdi fillimisht ishte pajtuar të jepte dorëheqjen më 31 tetor me kushtin që një pasardhës të kishte rënë dakord për ta zëvendësuar atë.
