Afro 2.2 miliardë njerëz vuajnë pasi nuk kanë qasje në ujë të pijshëm të sigurt por së fundmi një OJQ ka gjetur një mënyrë për ta kthyer ujin e kripur të oqeanit në të pijshëm.
Në muajin fusht, ‘Give Power’, zhvilloi testin e parë të shndërrimit të ujit të kripur në të pijshëm duke përdorur energjinë diellore. Fabrika e parë është ndërtuar në Kiunga, një qytet i vogël në Kenia dhe pati sukses. Tani organizata ka në plan të përdorë teknologjinë në të gjithë botën.
Qyteti kenian Kiunga u zgjodh për instalimin e kësaj fabrike për të zgjidhur problemin dhe për të ndihmuar sa më shumë njerëz të jetë e mundur. Pas këtij suksesi, organizata po planifikon projekte të ngjashme si në Kolumbi ashtu edhe në Haiti.
Procesi që e shndërron ujin me kripë në ujë të pijshëm, nuk është vetëm konsumues i lartë i energjisë, por edhe i kushtueshëm. Përdorimi i energjisë diellore si një zgjidhje afatgjatë është thelbësore. Aktualisht fabrika prodhon ujë 24 orë në ditë për 25 mijë banorët e qytetit.
Para instalimit të kësaj teknologjie, njerëzve u duhej të udhëtonin mbi një orë për të mbledhur ujë të pijshëm të sigurt për veten dhe familjet e tyre.
