Demokratja Albana Vokshi ka denoncuar vendimin e kryeministrit Rama për t’u mbajtur lekë në rroga policëve dhe mësuesve.
Ajo e cilëson skandaloz urdhrin e dhënë në një kohë kur nuk u heq 150 milionë dollarë oligarkëve.
Vokshi bën thirrje që ky urdhër të anulohet me urgjencë duke shtuar se shqiptarët janë vetë solidarë me njëri-tjetrin dhe këtë e treguan me vepra.
‘Urdhër skandaloz!! Edi Rama nuk u heq 150 milionë USD oligarkëve të vet, por mban me Urdhër lekët e rrogës së policëve dhe mësueve. Aktet duhet të anullohen me urgjencë! Shqiptarët jane vetë solidarë, i ndihmojnë sic i kanë ndihmuar vetë deri më sot vëllezërit dhe motrat e tyre.’ – shkruan Vokshi në Facebook.
