I vihet shiriti i kuq edhe spitalit të Laçit. Godina e këtij spitali ka pësuar dëme të mëdha nga tërmeti i fuqishëm i datës 26 nëntor dhe vendosja e shiritit të kuq tregon se përbën rrezik për stafin dhe pacientët.
Për shkak të situatës së rrezikshme të kësaj godine, pjesa më e madhe e personelit dhe e pacientëve janë transferuar përkohësisht në Spitalin e Lezhës.
Ndërkohë vetëm pjesa e Urgjencës funksionon, pasi nuk ka pësuar dëme dhe shërbimi aty do të vijojë të jepet.
