Presidenti turk Recep Tayyip Erdoğan ka komentuar ndarjen e çmimit Nobel për shkrimtarin austriak Peter Handke në letër.
Siç shkruan Anadoly Agency, presidenti turk thotë se ky çmim për Handke do të inkurajojë armiqtë e Islamit dhe të njerëzimit.
“Është turp t’i japësh çmimin Nobel një personi që mbron dhe lavdëron vrasësin që derdhi gjakun e dhjetëra mijëra myslimanëve”, deklaroi Erdoğan duke iu referuar Handke, një shkrimtar austriak që ka mohuar genocidin e Bosnjës në 1995.
Handke njihet si një admirues i madh i ish-liderit serb Slobodan Milosevic, i cili vdiq në vitin 2006 kur po gjykohej në Hagë për krime lufte dhe gjenocid.
Ai pretendon se boshnjakët muslimanë në Sarajevë kishin vrarë veten e tyre, duke shtuar se ai kurrë nuk besonte se serbët kishin kryer genocid në Srebrenica.
Handke krahas çmimit do të marrë gjithashtu 952,000 dollarë, një medalje dhe një diplomë.
Presidenti turk u bëri thirrje njerëzve të reagojnë rreth çmimit të diskutueshëm.
“Ata që qortojnë Turqinë për demokracinë dhe drejtësinë, shtruan tapetin e kuq për diktatorët dhe terroristët që vranë dhjetëra mijëra njerëz”, u shpreh Erdoğan.
