Ministri i Jashtëm i Turqisë, Mevlut Cavusoglu, tha të mërkurën se Shtetet e Bashkuara mund të ndalohen të përdorin dy baza strategjike ajrore në shenjë hakmarrjeje për sanksionet e mundshme të SHBA-së, njoftoi agjencia shtetërore, ‘Anadolu’.
Komente erdhën mes raporteve që ligjvënësit amerikanë kishin rënë dakord për një projektligj mbrojtës, që përfshin gjithashtu sanksione ndaj Turqisë lidhur me vendimin e saj për të vijuar me blerjen dhe vendosjen e sistemeve ruse të mbrojtjes raketore S-400, tha ‘AP’.
‘Në rast të një vendimi për të sanksionuar Turqinë, bazat ajrore të Incirlik dhe Kurecik mund të jenë pjesë e rendit të ditës,’ u citua Cavusoglu të thoshte.
‘Anëtarët e Kongresit duhet të kuptojnë se nuk është e mundur të arrish askund me sanksione,’ shtoi ai.
Baza Ajrore e Incirlik në jug të Turqisë ka qenë një bazë kryesore për operacionet amerikane në Lindjen e Mesme dhe së fundmi në luftën kundër ISIS në Siri dhe Irak. Kurecik, në Turqinë lindore, është një bazë kryesore e NATO-s.
