Këtë të premte në orën 17:00, në stadiumin e ri “Air Albania Stadium” do të zhvillohet derbi i kryeqytetit mes Partizanit dhe Tiranës.
Policia e Tiranës ka publikuar përmes një njoftimi, masat që ka marrë me qëllim garantimin e mbarëvajtjes e kësaj sfide, që përfshin bllokimin e disa rrugëve në kryeqytet.
Qytetarëve u kërkohet të evitojnë lëvizjen me automjete në segmentet e përmendura më poshtë, pas orës 16:00.
Policia sakaq paralajmëron tifozët se do të ushtrohen kontrolle para hyrjes në stadium për sende të kundërligjshme (si armë apo lëndë piroteknike etj ). Çdo tifoz duhet të jetë i pajisur me dokument identifikimi. Nuk do të lejohen të futen në stadium fëmijët nën moshën 16 vjeç, pa praninë e prindërit apo kujdestarit.
Segmentet rrugore që do të jenë të bllokuara nga ora 16:00 deri në përfundim të aktivitetit:
- Sheshi “Nënë Tereza”;
- Pjesë të segmentit të rrugës “Lek Dukagjini”;
- Rruga “Dervish Hima”;
- Përreth stadiumit “Air Albania” ;
- Do të kufizohen rrugëkalimet gjatë kohës së kalimit të tifozëve të Partizanit dhe Tiranës.
Po kështu, policia u kërkon mirëkuptim tifozëve të Partizanit dhe Tiranës që të zbatojë kërkesat e mëposhtme:
Tifozët e Sport Klub Partizanit do të grumbullohen tek 21 Dhjetori dhe do të kalojnë në itinerarin për tek stadiumi “Air Albania” nga:
- 21 Dhjetori;
- ura “Vasil Shanto”;
- kryqëzimi i rrugës “Komuna e Parisit”,
- rruga “Sulejman Delvina”;
- Libri Univeristar;
- Presidenca drejt për tek COIN;
- Hyrjet tek tribuna N dhe E të stadiumit dhe anasjelltas;
- Tifozët e Klub Sport Tirana do të grumbullohen te Teatri i Kukullave dhe do të kalojnë në itinerarin për tek stadiumi “Air Albania” nga;
- Ministria e Brendshme, Pedonalja;
- rruga “Xhorxh Bush”;
- Ura e Elbasanit, rruga e “Elbasanit”;
- Ambasada e SHBA-së;
- Kthim në rrugën “Dervish Hima;
- Kthim në rrugën “Sheh Ahmet Pazari”;
- Tribuna “S” dhe kthim anasjelltas;
