Pranë bregdetit me diell të Marokut në brigjet e Atlantikut, komuniteti i vogël i Id Mjahdi është duke u shpallur si fshati i parë i Afrikës që furnizohet krejtësisht me energji diellore.
Energjia diellore ka potencialin për t’u bërë një nga burimet kryesore të energjisë në Afrikë, sipas Agjencisë Ndërkombëtare të Energjisë, por duhet të instalohet më shumë infrastrukturë. Nga e gjithë energjia diellore që përdorim globalisht, më pak se 1% aktualisht vjen nga kontinenti.
Maroku po udhëheq përpjekjet për të përmbushur atë potencial. Tashmë ai plotëson 35 përqind të nevojave të tij për energji elektrike nga burimet e rinovueshme dhe synon të rrisë përdorimin e energjisë së rinovueshme në 52 përqind deri në vitin 2030, sipas Agjencisë Ndërkombëtare të Energjisë së Rinovueshme (IRENA).
Vendi ka fermën më të madhe diellore në botë, kompleksin Noor-Ouarzazate.Ndërsa shumë fshatra të tjerë afrikanë përdorin energjinë diellore në një farë mase, Id Mjahdi e përdor atë për të gjitha nevojat e tij për energji.
