Gjiganti kinez i teknologjisë, Huawei ka arritur të ngushtojë hendekun e pjesës së tregut me rivalin e tij të Koresë së Jugut, Samsung, duke qenë shumë pranë të bërit prodhuesi më i madh i smartphone-ve në botë, pavarësisht pengesave nga SHBA-ja.
Samsung është i gatshëm të sigurojë udhëheqjen në tregun e smartphone-ve këtë vit, sipas studimit të ’Strategy Analytics’, që citohet nga Yonhap.
Firma e Koresë së Jugut parashikohet të prodhojë rreth 320 milionë njësi në vitin 2019, duke rrëmbyer pjesën më të lartë të tregut me 21.3 përqind.
Sidoqoftë, Huawei po afrohet ndjeshëm dhe pritet të prodhojë 251 milionë njësi, duke zënë deri në 17.7 përqind të tregut të smartphone-ve këtë vit, rritur ndjeshëm nga 14.4 përqind në 2018. Hendeku midis dy kompanive është ulur në 3.6 përqind, duke zbritur nga 5.9 përqind të vitit të kaluar.
Apple gjithashtu është në tre vendet e para, pasi humbi vendin e dytë vitin e kaluar.
