Pasditen e sotme po zhvillohet një tjetër takim mes liderëve të LDK-së e Vetëvendosjes në një përpjekje për të sheshuar mosmarrëveshjet e për të arritur koalicionin qeverisës pas zgjedhjeve të parakohshme të 6 tetorit.
Në takim marrin pjesë Isa Mustafa , Vjosa Osmanin, Agim Veliu, Lutfi Haziri e Avdullah Hoti nga LDK-ja kurse nga Lëvizja Vetëvendosje kanë arritur Albin Kurti e Besnik Bislimi.
Në takimet e mëpërparshme, palët kanë deklaruar se kanë arritur të dakordësohen për pjesën më të madhe të programit ndërsa duket se emri i presidentit mban peng marrëveshjen.
