Një milioner britanik është qëlluar për vdekje para një hoteli me pesë yje në Argjentinë, nga një grup personash të armatosur të cilët besohet se e kanë ndjekur që nga aeroporti.
Sulmi ndodhi para një hoteli në Buenos Aires, ku Matthew Charles Gibbard, 50 vjeç, u shpall i vdekur në vendngjarje.
“Telegraph” shkruan se djali i gruas së tij, Stefan Zone, 28 vjeç, mbeti i plagosur dhe po trajtohet në spital.
Policia dyshon se bëhet fjalë për një grabitje. Dy burrat sëbashku me anëtarë të tjerë të familjes, kishin mbërritur rreth orës 09:20 në Buenos Aires dhe morën një taksi për të shkuar në hotel.
Kur ndaluan para hotelit, atyre iu afrua një grup motoristësh, të cilët kanë tentuar ti grabisin. Gibbard dhe djali i rezistruan hajdutëve të cilët i qëlluan me armë.
Babai u qëllua në sqetull dhe pësoi hemorragji pasi plumbi hyri në gjoks. Ai vdiq në vendngjarje. Djali u qëllua në këmbën e majtë, dhe po trajtohet në spital.
