Zjarrfikësit australianë po paralajmërojnë për një ‘mega flakë’ që pritet të shpërtheje së shpejti, pasi përpjekjet për të fikur mbi 100 zjarre kanë dështuar pasi zjarret janë rikthyer sërish, ndërsa vendi përgatitet për ditën e tij më të nxehtë.
Të paktën 20 shtëpi janë shkatërruar dhe mbi 400,000 hektarë janë djegur ndërsa ekuipazhet e zjarrit luftojnë mbi 100 zjarre në Uellsin e Ri Jugor.
Banorët po bëhen gati për temperatura edhe më ekstreme këtë javë që po vjen, pasi parashikohet moti më i nxehtë në histori.
Autoritetet u përpoqën të përfitojnë nga temperaturat më të ftohta për të vënë nën kontroll zjarret, por taktika duket se ka dështuar.
