Ministri i brendshëm i Estonisë ka ironizuar kryeministren e ri të Finlandës, Sanna Marin, duke e akuzuar 34-vjeçaren se ishte i papërshtatshme për zyra dhe si pjesëmarrje në një komplot neo-bolshevik kundër vendit të saj.
Mart Helme, një anëtar i Partisë Konservative Popullore të krahut të djathtë në Estoni, tha për mediat lokale se ngjarjet e fundit në Finlandë kanë bërë që ‘flokët t’i ngrihen përpjetë’.
Duke vënë në dukje se ish-udhëheqësi sovjetik Vladimir Lenin dikur vërejti se ‘çdo kuzhinier mund të bëhet ministër’, Helme tha se ‘tani ne mund të shohim që një shitëse është bërë një kryeministre në Finlandë’.
Duke vazhduar sulmin e tij ndaj udhëheqëses së re, Helme sugjeroi që Marin është pjesë e një komploti ‘të kuq’ për të çmontuar Finlandën.
‘Tani ne mund të shohim deri në një farë mase se si hakmarrja historike e të kuqve ndaj të bardhëve, d.m.th. të kuqtë që donin të likuidonin shtetin finlandez që në Luftën Civile finlandeze të vitit 1918, tani kanë ardhur në pushtet dhe tani po përpiqen dëshpërimisht të likuidojnë Finlandën.’ – tha ai.
Kryeministri i Estonisë nuk duket se i ndan shqetësimet e Helme. Në një mesazh të ndarë në mediat sociale të dielën, Juri Ratas theksoi se ‘Finlanda është shoku ynë i ngushtë’ dhe se marrëdhëniet Estoni-Finlandë ‘nuk janë prekur nga partitë që i kanë drejtuar apo nga koalicionet në të dy vendet’.
Marin u emërua nga Partia Socialdemokrate për të shërbyer si Kryeministre pas dorëheqjes së paraardhësit të saj, Antti Rinne. Parlamenti konfirmoi emërimin e saj javën e kaluar.
