Apple, Google, Tesla dhe Microsoft janë ndër kompanitë që janë paditur në një proces gjyqësor që kërkon dëmshpërblim për vdekjet dhe lëndimet e minatorëve fëmijë në Republikën Demokratike të Kongos.
Çështja është ngritur nga Avokatët Ndërkombëtarë të të Drejtave në emër të 14 familjeve kongoleze. Ata akuzojnë kompanitë se e dinë që kobalti i përdorur në produktet e tyre mund të lidhej me punën e fëmijëve.
Kongoja prodhon 60% të furnizimit me kobalt në botë.
Minerali është përdorur për të prodhuar bateri me litium që përdoren për energjinë elektrike të makinave elektrike, laptopëve dhe smartphoneve.
Padia e ngritur në SH.B.A. argumenton se kompanitë e teknologjisë kishin ‘njohuri specifike’ se kobalti i nxjerrë për produktet e tyre mund të lidhej me punën e fëmijëve.
Ata thonë se kompanitë nuk arritën të rregullojnë zinxhirët e tyre të furnizimit dhe në vend të kësaj përfituan nga shfrytëzimi i fëmijëve.
