Numri i vdekjeve është rritur në 35 në përleshjet midis milicisë dhe tregtarëve në Bangui, kryeqyteti i Republikës së Afrikës Qendrore, njoftuan media lokale.
Përleshjet shpërthyen të martën në lagjen me shumicë myslimane të qytetit, ndërsa tregtarët morën armë për të kundërshtuar taksat e vendosura nga grupet e milicisë.
Rreth 35 njerëz, përfshirë 23 banorë të lagjes, u vranë ndërsa më shumë se 50 u plagosën.
Numri i viktimave mund të rritet pasi një pjesë e të plagosurve janë në gjendje të rëndë. Rreth 50 shtëpi dhe dyqane u dogjën nga ana e milicisë të martën, kur filluan përleshjet.
Megjithë nënshkrimin e marrëveshjeve të paqes midis qeverisë dhe grupeve të ndryshme rebele, lufta civile shpërtheu në fund të vitit 2012 vijon ende në shumicën e qyteteve, përfshirë kryeqytetin.
