Dhjetë ushtarë afganë janë vrarë në një sulm të kryer nga talibanët në një bazë ushtarake të provincës jugore, Helmand.
Një shpërthim i fuqishëm fillimisht e përfshiu një pikë ushtarake të kontrollit në orët e vona të së premtes dhe më pas u përcoll nga përleshja e armatosur që zgjati disa orë. Kështu deklaroi zëdhënësi i kësaj province, Omar Zawak.
Përpos të vrarëve, ai tha se në këtë sulm mbetën të plagosur katër ushtarë afganë.
Militantët talibanë kanë prani të madhe në provincën e Helmand-it dhe së voni i kanë shpeshtuar sulmet në bazat dhe pikat e kontrollit të ushtrisë afgane në pjesë të ndryshme të vendit.
Javën e kaluar, gjashtë ushtarë afganë u vranë, kur një sulmues vetëvrasës e shpërtheu një veturë të mbushur me mjete plasëse pranë një baze ushtarake në provincën Balkh. Përgjegjësinë për këtë sulm e morën talibanët.
Të hënën, një ushtar amerikan u vra gjatë luftimeve me talibanët në provincën veriore, Kunduz.
Përveç ushtarëve, nga bombat e talibanëve, të montuara kryesisht afër rrugëve, gjatë vitit që po e lëmë pas kanë vdekur edhe dhjetëra civilë, shkruan “Free Europe”.
