Partia Demokratike ka deklaruar se shumë shpejt do publikojë të tjera prova lidhur me se kryebashkiaku i Mallakastrës ka të shkuar kriminale dhe se ka shkelur ligjin e dekriminalizimit.
Në një deklaratë për mediat, Sekretari i Përgjithshëm Bardhi, deklaroi se Ismailaj është kryebashkiaku i katërt me të shkuar kriminale i kandiduar nga kryeministri Rama.
‘Sot PD i ka kërkuar zyrtarisht Prokurorisë së Përgjithshme verifikimin e të kaluarës kriminale të Edi Ramës së Mallakastrës. Sipas të dhënave të mbledhura nga PD, Qerim Ismailaj rezulton se ndodhet në kushtet e ndalimit të kandidimit për një post publik. Ky është rasti i katërt pas atij të Shkodrës, Vorës dhe Vau të dejës që konfirmon se Rama ka ardhur në pushtet falë mbështetjes së krimit të organizuar.
Si të tjerët dhe Ismailaj u përbetua se nuk ka pasur probleme në Greqi. Ky është mashtrim. Ai njëlloj si Edi Rama e di se është i dënuar në Greqi. PD po punon dhe shumë shpejt do provojë për opinionin publik se Edi Rama i Mallakastrës ka të shkuar kriminale dhe në bazë të ligjit të dekriminalizimit nuk duhet të ushtrojë asnjë funksion publik.
Çfarë i kujton Edi Ramës së Mallakastrës data 25 shkurt e vitit 2000? Sot nuk është koha për mashtrime, është koha për veprime nga organi i prokurorisë. Koha që ligji të veprojë’, tha Bardhi.
