Vendosni fjalën kyçe....

Një tjetër kryebashkiak me të kaluar kriminale? PD thirrje Prokurorisë të nisë hetimet për Qerim Ismailajn


Pas Shkodrës, Vorës dhe Vaut të Dejës, PD ka akuzuar një tjetër kryebashkiak socialist se ka të shkuar kriminale.

Partia Demokratike i ka kërkuar Prokurorisë të verifikojë të kaluarën e kryebashkiakut të Mallakastrës Qerim Ismailaj, me arsyetimin se ai dyshohet se ka qenë i arrestuar/ndaluar në Greqi dhe se në periudhën 1999-2000 ndaj tij është marrë masa e dënimit dhe dëbimit nga autoritetet përgjegjëse greke.

“Partia Demokratike e Shqipërisë, nisur nga interesi i lartë publik që paraqet kjo çështje, i kërkon Prokurorisë së Përgjithshme një verifikim dhe reagim institucional të shpejtë, me synim që të arrihet qëllimi kryesor që ka ligji i dekriminalizimit, të largojë personat me të kaluar kriminale të marrin vendime për qytetarët apo të ndikojnë në zgjedhje.“- thuhet në shkresën e firmosur nga Sekretari i Përgjithshëm, Gazment Bardhi.

Sipas informacioneve të PD-së, Qerim Ismailaj ka falsifikuar formularin e dekriminalizimit, për shkak se i është përgjigjur me “JO”, pyetjeve nëse është ndaluar apo arrestuar ndonjëherë nga organet ligjzbatuese për kryerjen e një vepre penale, nëse është dënuar ndonjëherë nga autoritetet gjyqësore të huaja apo nëse ndaj tij është marrë ndonjëherë masa e dëbimit nga një shtet i huaj.


Leave a Reply

Your email address will not be published. Required fields are marked *