Vendosni fjalën kyçe....

LDK prononcohet për takimin me Vetëvendosjen: Bëmë ofertën për bashkëqeverisje


Lidhja Demokratike e Kosovës ka thyer heshtjen për të thënë që gjithçka që po diskutohet rreth takimit të sotëm me Isa Mustafës dhe Albin Kurtit janë të pavërteta. Thuhet vetëm se VV-së i kanë bërë ofertë tjetër për bashkëqeverisje.

Në njoftimin e LDK-së thuhet se kjo parti i ka paraqitur një ofertë për bashkëqeverisje Lëvizjës Vetëvendosje, por nuk tregon se për çfarë oferte bëhet fjalë.

“Të gjitha supozimet dhe hipotezat që po qarkullojnë sonte nëpër medie rreth diskutimeve të sotme në mes të LDK dhe LVV janë të pavërteta. LDK, në mirëbesim dhe me vullnet për të arritur marrëveshje, i ka paraqitur ofertën LVV-së për bashkëqeverisje”, thuhet në njoftimin e LDK-së.

Ky është deklarimi i parë zyrtar që nga përfundimi i takimit të sotëm mes Kurtit e Mustafës.

Dy liderët, ndryshe nga herë tjera, refuzuan të deklarohen për media, pas takimit që patën sot.


Leave a Reply

Your email address will not be published. Required fields are marked *