Komisioneri për Zgjerimin në BE, Oliver Varhelyi do të vizitojë më 16 janar Shqipërinë.
Fillimisht Varhalyi, do të jetë në Maqedoninë e Veriut më 15 janar dhe një ditë më pas do të vizitojë Tiranën.
Zyrtari i lartë i BE-së pritet të japë porositë e fundit për politikën shqiptare para Samitit të Këshillit Europian, në të cilin vendet anëtarë do të vendosin nëse Shqipëria e meriton apo jo dritën jeshile për hapjen e negociatave.
Pas takimeve me kryeministrin francez dhe ministrin e jashtëm holandez, Varhelyi do t’i përcjellë krerëve të shtetit shqiptarë rezervat dhe kërkesat që kanë këto dy vende skeptike ndaj vendit tonë.
Vendimi për çështjen e negociatave pritet të merret në mbledhjen e Këshillit Europian që do të mbahet në fund të muajit mars.
