Tre persona raportohet se janë plagosur si pasojë e një aksidenti të ndodhur pak minuta më parë në Pogradec.
Ngjarja ka ndodhur në hyrje të qytetit, në vendin e quajtur “lumi i Tërhanit” dhe sipas informacioneve të para dy makina janë përplasur kokë më kokë me njëra-tjetrën.
Në aksident janë përfshirë një makinë tip “Mercedes Benz” dhe një “Renault”. Dy të lënduar raportohet se janë nga makina “Renault” dhe një nga “Benzi”.
Nuk dihen ende rrethanat e aksidentit, ndërsa policia dhe grupi hetimor po punojnë për zbardhjen e ngjarjes.
