Kryeministri Edi Rama duket se paska marrë frymëzim nga zhvillimet e fundit në rritjen e tensioneve Iran-SHBA dhe ka vënë forcat RENEA të improvizojnë një aksion për të neutralizuar një person të rrezikshëm dhe të armatosur.
Forcat Speciale RENEA kanë improvizuar një skenë si nëpër filma, pas përurimit të repartit të ri, ku Lleshaj, Ardi Veliu, Soreca e Rama, panë nga afër se si veprojnë Forcat Speciale në një situatë kriminale.
Siç shihet dhe në videon e mëposhtme, fusha qendrore e repartit të Forcave Speciale është kthyer në një fushë betejë. Efektivët e RENEA shfaqen me armë të rënda dhe krijojnë një skenë ku neutralizojnë dhe vrasin një “kriminel të rrezikshëm imagjinar”.
