Kandidati demokratik për president në Amerikë, Cory Booker, ka njoftuar se po i jep fund fushatës së tij pasi u zhgënjye nga numrat e sondazhit.
Senatori i New Jersey nuk kishte arritur të kualifikohej në debatin demokratik të martën në Iowa.
Booker ishte shpallur si një yll në rritje i partisë së tij, por nuk ishte në gjendje të merrte mbështetje të mjaftueshme dhe tani janë 12 demokratë të mbetur në garën për Shtëpinë e Bardhë.
“Sot po pezulloj fushatën time për president me të njëjtën frymë me të cilën filloi,” tha Booker në një video mesazh duke njoftuar përfundimin e fushatës së tij.
Zgjedhjet për president në SHBA janë caktuar më datë 3 nëntor 2020.
